<h2 class="cxmmr5t8 oygrvhab hcukyx3x c1et5uql o9v6fnle ii04i59q" style="text-align: justify;"><span style="font-size: 18pt;">ئاژانسا خانی تایبەت :کارێ مە وەکو رێڤەبەریا پولیسێن پارێزگەها دهوکێ دابینکرنا ئارامی و جێبەجێکرنا یاسایێ یە هەر دەمێ فەرمانا گرتنێ بوو کەسەکی ژ دادگەهێ دەربکەڤیت یان کەسەک یێ سەرپێچیکار بیت بو یاسایی دێ ژلایێ مەڤە هێتە دەستەسەرکرن و پێرابونێن یاسای ب دژی وی هێنە وەرگرتن .مخابن دەمێ فەرمانا گرتنێ بوو کەسەکی دەردچیت یان لدەمێ دەستەسەرکرنێ تومەتبار هەبوینە پەنا بریە بەر کلتورێ خەبەر گوتنێ یان ب رێکا (ڵایف) ی و سوشیال میدیایێ گەف کرینە و گوتنێن نەشرین گوتینە پولیسان یان هێزێن دی یێن ئەمنی یان هەر لایەنەکێ دی یێ پەیوەندیدار، لڤێرێ مە دڤێت بدەینە دیارکرن کو هیچ بەهانەیەک نینە بوو ئەڤا دهێتە ئەنجامدان و جودا ژ وێ تاوانا وی ئەنجامدای ل دویڤ ( یاسا ژمارە ٦ یا سالا ٢٠٠٨) دێ پێرابون دگەل هێنە وەرگرتن ، جاران هەبویە کەسێ تومەتبار بەهانەیەک بوخو دروست کریە کو لژێر کونترولا مادێن کحولی یە ، ب ڤی رەنگی تومەتبار بارێ خو گرانتر لێ دکەت و ل دیڤ بەندێ (٣٨٦) ژ یاسا سزا و یاسا خراب بکارئینانا ئامیرێن پەیوەندیێ و ئەو تاوانا وی ئەنجامدای دێ پێرابونێن یاسایی دگەل هێنە وەرگرتن ،بو نمونە دوهی ل رێکەفتی (١٨/١/٢٠٢٢) تومەتبارەک هاتیە دەستەسەرکرن ژلایێ تیمێن پولیسێن هەوارهاتنێ و دنوکەدا ل بنگەهێ پولیسێن نەوروز لژێر ڤەکولینێ یە .</span></h2> <h2 dir="auto" style="text-align: justify;"><span style="font-size: 18pt;">ئەڤجا دخوازین کو وەلاتیێن مە خو دویر بگرن ژڤان کەسان و هەردەما کەسەکێ بڤی رەنگی دیت مە ئاگەهدار بکەن و ب چ ڕەنگەکی پشتەڤانیێ لێ نەکەن داکو د پاراستی بن ژ هەر روی بروی بوونەکا یاسایی .</span></h2> <h2 class="cxmmr5t8 oygrvhab hcukyx3x c1et5uql o9v6fnle ii04i59q" style="text-align: justify;"><span style="font-size: 18pt;">رێڤەبەریا پولیسێن پارێزگەها دهوکێ .</span></h2>
