ئەڤرۆ چارشەمبی 19 /1/ 2022 مەسرور بارزانی سەرۆکێ حکومەتا هەرێما کوردستانێ پێشوازی ل لوکاس گاسەر بالیۆزێ سویسرا ل عیراق و ئوردنێ کر.
د وێ دیدارێ دا هەردو ئالییان گوتۆبێژ ل سەر رەوشا گشتی یا عیراقێ و بزاڤێن پێکئینانا کابینا نوو یا حکومەتا عیراقێ و پێشڤەبرنا پەیوەندیێن دناڤبەرا هەرێما کوردستانێ و سویسرا دا کرن.
بالیۆزێ سویسرا ل عیراقێ و ئوردنێ، سوپاسیا هاریکاری و هەماهەنگییا حکومەتا هەرێما کوردستانێ ل گەل بالیۆزخانا وان کر و بەرهەڤیا وەلاتێ خوە بۆ پێشڤەبرنا پەیوەندیێن زێدەتر و پشتەڤانیکرنا هاتنا کۆمپانیێن سویسری بۆ هەرێما کوردستانێ دیار کر.
ژ لایێ خوەڤە سەرۆکێ حکۆمەتا هەرێمێ، ئاماژە ب چاکسازیێن کابینا نەهێ ب ئاراستێن هەمەجۆرکرنا ئابووری و مفا وەرگرتن ژ ئەزموونا سەرکەفتی یا وەلاتێ سویسرا کر بۆ پێشڤەبرنا هەرێما کوردستانێ د ههموو واران دا.
