سەرۆکێ حکومەتا هەرێما کوردستانێ پێشوازی ل وەزیرێ داد یێ لوبنانی و شانده‌كێ ل گه‌ل دا کر، د کۆمبوونەكێ دا به‌حسێ پرسا دەستهه‌لاتا دادوەری کر و هەردو لایان ئامادەییا خوه نیشاندا بۆ هه‌ماهەنگییێ ل گه‌ل ئێك.
ئه‌ڤرۆ دوشەمبی 24-01-2022 مەسرور بارزانی، سەرۆکێ حکومەتا هەرێما کوردستانێ پێشوازی ل دادوەر هنری خووری، وەزیرێ داد یێ لوبنانی و شانده‌كێ ل گه‌ل دا كر، کو ژ سه‌رۆكێ جڤاتا دادوه‌ری لوبنانی و هاریكارێ ئه‌مینداری گشتي یێ كۆمكارا عه‌ره‌بى پێکهاتبوون.
دادوەر هنری خووری، وەزیرێ دادا لوبنانی دووپانی ل گرنگییا پێشخستنا پەیوەندیێن هەرێما کوردستانێ و لوبنانێ د وارێن جۆدا کرن، ئامادەییا خوه نیشاندا د وارێ دەستهه‌لاتا دادوەری دا ل گەل هەرێما کوردستانێ دا مفایی ژ شارەزایی و ئەزموونێن ئێکدی وەربگرن.
مەسروور بارزانی، سەرۆکێ حکومەتا هەرێما کوردستانێ ئاماژە ب دەستهه‌لاتا دادوەری ل هەرێما کوردستانێ کر و راگەهاند، دەستهه‌لاتا دادوەری ل هەرێما کوردستانێ دەستهه‌لاته‌كا گرنگ و سەربەخۆیە.
