مه‌سرور بارزانی، سه‌رۆكێ حكومه‌تا هه‌رێما كوردستانێ” ئەڤرۆ سێشەمبی پێشوازی ل مایکل رێنتەنار، بالیۆزێ هۆلەندا ل عێراقێ کر.
د وێ دیدارێ دا، هانس ئاکربووم، کونسولێ گشتی یێ هۆلەندا ل هەولێرێ ئامادە بوو، ره‌وشا گشتی و پرۆسا سیاسی ل عێراقێ و بزاڤێن پێکئینانا حکومەتا نوو و پێشخستنا پەیوەندیێن دناڤبه‌را هەرێما کوردستانێ و هۆلەندا دا هاتنه به‌حس كرن.
بالیۆزێ هۆلەندا، ب پێزانینڤە ئاماژە ب چاکسازیێن کابینا نه‌هێ، ب تایبەتی چاکسازیێن وەزارەتا پێشمەرگەیی کرن و ئامادەییا وه‌لاتێ خوه بۆ پێشخستنا پتر یا پەیوەندییان ل گەل هەرێما کوردستانێ، ب تایبەتی د بیاڤێ ئابووری و وەبەرئینانێ دا دەربرین.
سه‌رۆكێ حكومه‌تا هه‌رێما كوردستانێ سوپاسییا پشتگیری و هاریکاریێن هۆلەندا کرن، ب تایبەتی د پشته‌ڤانیكرنا کەرتێ گشتی و تایبەت یێ هەرێما کوردستانێ بۆ ئەنجامدانا چەندین پرۆژین گرنگ یێن ئابووری و پیشەسازییا خوارنێ ل هەرێما کوردستانێ.
