ئەڤرۆ رۆژا پێنج شەمبێ ١٠/٢/٢٠٢٢ـێ ب سەرپەرشتییا مشیر محەمەد بەشیر، قایمقامێ قەزا زاخۆ ئێکەم کومبوونا لژنا تاپۆکرنا خانیێن زێدەگاڤی هاتە ئەنجامدان کۆ تێدا هەرئێک ژ رێڤەبەریێن نەخشەدانانێ و چاندنێ و تۆمارکرنا خانوبەران و سەرۆکاتییا باژێرڤانییا زاخۆ پشکداربون.
د وێ کومبونێ دا بریار هاتەدان ب رێیا لژنەیێن تایبەت و ل دویف بریارا ژمارە ٧ یا سالا ٢٠٢١ـێ، دەست ب پرۆسەیا تاپۆکرنا خانیێن زێدەگاڤی بهێتەکرن ب تایبەتی یێن وان وەلاتیێن د سالا بوری دا مامەلەیێن خوه ب رێڤە برین. هەر دیسان بریار هاتەدان هەر ئەڤرۆ ئەو لژنەیە دەست ب کاربیت بۆ ب رێڤەبرنا مامەلەیێن وەلاتیان.
ژلایەکێ دیڤە قایمقامێ قەزا زاخۆ دوپاتى ژی ل وێ چەندێ کر کۆ پێدڤییە ب باشترین شێوە خزمەتا وەلاتییان بهێتەکرن و مامەلەیێن وان ب شێوەیەکێ باش بهێنە رێڤەبرن.
