د.دارا رەشید وەزیرێ پلاندانانا حکومەتا هەرێما کوردستانێ راگەهاند، بۆ سالا 2022 وان پێشنیاز کریە 500 ملیار دینار بۆ بودجا وەبەرهێنانا وەزارەتان بهێنە مەزاختن، ئەوژی دێ هێنە دابەشکرن ل سەر وەزارەتێن خزمەتگوزاریان ل گۆرەی پێدڤیێن وان، و مەزاختیێن پێشەکیێ دێ بۆ خزمەتگوزاریێن پڕوژێن (ئاڤ، کارەب، پەروەردە، ساخلەمی وگشتوکال)ێ بن، هەروەسا ل هەمی وەزارەتێن دی ل گۆرەی پێدڤیێن خوە دێ پشکەکا بودجێ وەرگرن.
د.دارا رەشید ئاماژە کریە، جودا ژ بودجا وەبەرهێنانێ، بودجەکا 300 ملیار دیناری ژی دێ بۆ گرنگیدان ب پارێزگەهان هێتە مەزاختن.
وەزیرێ پلان دانانێ دیارکر، بۆ جارێ ئێکێ یە دێ بودجەکا هندە مەزن دهێتە مەزاختن بۆ گرنگیدان ب پارێزگەهان و ئەڤ بۆدجە دێ خزمەتەکا مەزن یا پارێزگەهان کەت و دێ وەلاتی ژێ د مفادار بن.
