مەسروور بارزانی سالا نوو ل کوردستانییان پیرۆز کر

سەرۆکێ حکومەتا ھەرێما کوردستانێ ب ھەلکەفتا ھاتنا سالا نوو پیرۆزباھی ل خەلکێ کوردستانێ کرن.
مەسروور بارزان ب ھەلکەفتا ھاتنا سالا نوو پەیامەک بەلاڤ کر و تێدا پیرۆزباھی ل خەلکێ کوردستانێ کرن، ب تایبەت پێشمەرگێن قەھرەمان و مالباتێن شەھیدێن سەربلندێن کوردستانێ.
مەسروور بارزانی د پەیاما خوەدا ئاشکرا کر، ب چ رەنگان دەستبەرداری مافێن دەستووری یێن گەلێ کوردستانێ نابن، ھیڤیی ژی خواستن رێککەفتنا ھەولێر و بەغدا وەکو خوە بجھـ بھێت و ئالیین سیاسی یێن ئیراقی ژی ئێدی رێ نەدەن ماف و شایستەیێن خەلکی کوردستانێ وەکو کارتەکا فشارا سیاسی ل دژی خەلک و مافدارێن کوردستانێ بھێتە بکارئینان.
مەسروور بارزانی د پەیاما خوەدا ھیڤی خواستن سالا نوو ببیتە سالا پری کەرامەت و ئاشتی و ئارامیێ و داوی ب دەردەسەری و قەیرانان ل کوردستانێ و ئیراقێ بھێت.