ل ئاکرێ چوار کەس ب ئەگەرێ تەقەکرنێ هاتنە دەستەسەرکرن

رەشید محەمەد، رێڤەبەرێ پولیسێن قەزا ئاکرێ ب تایبەت بۆ ئاژانسا خانی گوت: ژ ئەگەرێ تەقەکرنێ ل قەزا ئاکرێ چوار کەس هاتینە دەستەسەرکرن.

رێڤەبەرێ پۆلیسێن ئاکرێ دیارکر، ل 20 ئادارا 2022 ێ ب بهانەیا دەربرینا خوشیێ هندەک کەسان تەقا بەرەلا کریە و هاتینە دەستەسەرکرن، ئاماژە کر، پێشتر پۆلیسان وەلاتی ئاگەهدار کرینە ب هەمی رەنگان تەقەکرن قەدەغەیە و هەر کەسێ تەقێ بکەت دێ پێرابوونێن یاسای دگەل هێنە ئەنجامدان.

رەشید محەمەد گوت، ژ ئەگەرێ تەقا بەرەلا ژ لایێ هندەک کەسان ڤە  ل رۆژا 20-3-2022 ل سنوورێ پارێزگەها دهۆکێ دوو کەس برینداربوون.

عەمید رەشید: هەردوو کەسێن هاتینە دەستەسەرکرن، دەست ب سەر چەکێ وان دا هاتیە گرتن و ل گۆرەی ماددێ 495 یێ هەموارکری ژ یاسا سزادانا ئیراقی یا ژمارە (111) یا سالا (1969) هەر ئێک ژ وان دێ هێتە سزادان ب زیندانکرنێ ب وی مەرجی کو سزایێ وان ژ سالەکێ کێمتر نەبیت و ژ سێ سالان زێدەتر نەبیت.