پیر دەیان: ئەو مەنکوبا ل شنگالێ دروستبوويی حکومەتا عێراقێ ب گونەھبار دزانین

ئاژانسا خانی ، بارزان مزووری:

پیر دەیان، بەرپرسێ رێڤەبەریا کوچ کوچبەران و بەرسڤدانا قەیرانان ل پارێزگەھا دھؤک] بۆ ئاژانسا خانی گۆت: ب مخابنی ڤە ئەڤە سالا ھەشتێ یە ھێشتا ٢٠ کەمپێن ئاواران و پەنابەران ل پارێزگەھا دھؤکێ ماینە ١٥ ژ وان كه‌مپان یێن ئاوارێن پار ێزگەھا مووسلن پتریا وان خەلکێ شنگالن و ھەتا نوكه‌ خەلکێ شنگالێ ٣٠% ێ ڤەنه‌گەریایە شنگال ژبەر نەئارامیا دەڤەرا شنگال و نەگەھاندنا پرۆژێن خزمەتگوزاری بۆ وەلاتیان.

ناڤهاتی گۆت ژی: ئەو مەنکوبا ل شنگال دروستبوویی حکومەتا عێراقێ ب گونەھبار دزانین ژبەرکو حكومه‌تا عیراقێ ب ئەرکێ خۆ یێ دروست رانابیت ب تایبەتی جێبه‌جێنه‌کرنا رێکكەفتنا دناڤبەرا حکومەتا ھەرێما کوردستانێ و حکومەتا عێراقێ دا” هه‌روه‌سا ئەڤە ده‌مه‌كه‌ چوونا ئاواران بۆ سەرجھێن خۆ ل شنگالێ مایە راوەستییایی” ژبەرکو به‌ری ئاوارە ڤەگەرنە شنگالێ دوبارە ل شنگالێ ئاوارە دبنەڤه‌ ل ھەرێما کوردستانێ نوكه‌ رێڤەبەریا مە یا کوچ و کوچبەران حەفتییانە ئێک رۆژ چاڤپێکەفتن دگەل وان ئاوارێن دوبارە ئاوارەبووین دھێته‌ کرن ھەتا نوكه‌  ٤٠٠ خێزانێن ئاوارە یێن چووینە شنگالێ ناڤێن خۆ تۆمارکرینە دووبارە دێ ڤەگەرنە ھەرێما کوردستانێ دیارە ژبەر نە ئارامیا دەڤەرێ و نەگەھاندنا پرۆژێن خزمەتگوزاری بۆ شنگاێل وەسا دیار دبیت دەمێ خەلکەک ل شنگالێ ڤەدگەرتە ھەرێما کوردستانێ وەسا دیارە نەئارامی ل شنگالێ ھەیە.