فراکسیۆنا پارتی: رێکێ نادەین بۆ بەرژەوەندیێن لایەنان کۆمبوونێن پەرلەمانی بھێنە راگرتن

پارتی رازینابیت کۆمبوونێن پەرلەمانی بھێنە راگرتن و فراکسیۆنا پارتی ژی دبێژیت، پەرلەمانێ کوردستانێ ملکێ خەلکێ کوردستانێ یە و چ لایەنەکێ سیاسی نەشێت ببیتە ئەگەرێ راگرتنا کۆمبوونێن پەرلەمانی.

ژێدەرەکی ژ فراکسیۆنا پارتی ل پەرلەمانێ کوردستانێ بۆ ئاژانسا خانی راگه‌هاند: راگرتنا کۆمبوونێن پەرلەمانی ژ بۆ بەرژەوەندیێن چ لایەنەکی ناھێتە قەبوولکرن و پارتی رێکێ نادەت پەرلەمانێ کوردستانێ کۆمبوونێن خۆ رابگریت، ئەوژی ژبەر بەرژەوەندیا کەسەکی یان لایەنەکێ سیاسی، چونکە پەرلەمانێ کوردستانێ ملکێ چ لایەنەکێ سیاسی نینە و ملکێ گەلێ کوردستانێ یە.

ئەڤی ژێدەری گۆتژی” پێدڤیە لەز بۆ ئەنجامدانا کۆمبوونێن پەرلەمانی بھێتەکرن و ئەنجامنەدانا کۆمبوونێن پەرلەمانی بەرۆڤاژی قانوون و پەیڕەوێ ناڤخۆییێ پەرلەمانیە، لەوڕاژی دڤێت گوڕەی قانوون و پەیڕەوێ ناڤخۆ دەست ب کۆمبوونێن پەرلەمانی بھێنەکرن.