مەسرور بارزانی پێشوازی ل شانده‌كێ هه‌ڤپشك یێ رێکخراوا مەین یا نەرویجی و دەزگه‌هێ خێرخوازی یێ بارزانی کر

ئه‌ڤرۆ دوشه‌مبی” مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل شانده‌كێ هه‌ڤپشكێ رێكخراوا مه‌ین یا نه‌رویجی و ده‌زگه‌هێ خێرخوازى یێ بارزانى كر .

 د دیداره‌كێ دا دانوستاندن ده‌رباره‌یى پرۆژه‌ و كار و چالاكیێن هه‌ڤپشكێن رێكخراوا مه‌ین ل گه‌ل ده‌زگه‌هێ خێرخوازى یێ بارزانى هاتنه‌ كرن.

 بریاره‌ رێكخراوا مه‌ین یا نه‌رویجى و ده‌زگه‌هێ خێرخوازى یێ بارزانى چه‌ندین پرۆژێن هه‌ڤپشك د بیاڤێ ساخله‌مییێ و پشته‌ڤانییا سیسته‌مێ ساخله‌مییێ ل هه‌رێما كوردستانێ ب رێیا دابینكرنا ده‌رمان و ئامیره‌ و پێدڤیێن ساخله‌میێ ب كوژمێ پتر ژ 30 ملیۆن دۆلاران د ده‌مێ پێنج سالان دا ئه‌نجام بده‌ن.