ئەندامه‌كێ پەرلەمانێ کوردستانێ ژ فراكسیۆنا پارتی دیموكراتی كوردستان” بۆ ئاژانسا خانی دیار کر: یاسایا سندوقا خانەنشینا هۆنەرمەندان یا بەرهەڤە بۆ خواندنا ئێکێ و یا هاتییە ئاراستە کرن بۆ سەرۆکاتیا پەرلەمانی داکو د نێزیکترین روونشتنا پەرلەمانی دا بکەنە د بەرنامێ کاری دا.
محسن دۆسكی گۆت ژی: ژبۆ بەرچاڤ وەرگرتنا خەبات و خزمەتا چەندین سالان یا هۆنەرمەندان و ب گرنگی زانینا رۆل و پێگەهێ هۆنەرمەندان دناڤ جڤاکێ کوردی دا وان ئەڤ یاسایە بەرهەڤکرییە.
ناڤهاتی ئاشکرا کر: ل دووڤ ڤێ یاسایێ ، سندوقا خانەنشینا هۆنەرمەندان دێ هێتە دامەزراندن و دەستەیەک دێ هێتە پێکئینان بۆ برێڤەبرنا وێ سندۆقێ، کو ژ ئەندامێن سەندیکایا هۆنەرمەندان و وەزارەتا رەوشه‌نبیری و وەزارەتا دارایی پێک دهێن.
محسن دۆسكی گۆت ژی: پشکداری کرن د وێ سندوقێ دا ب نەچاری نابیت، بەلێ هەر هۆنەرمەندەکی کو ئەندام بیت د سەندیکا هۆنەرمەندان دا دشێت پشکداریێ د وێ سندۆقێ دا بکەت و پشتی چەندین سالێن خزمەتکرنێ دێ هێتە خانەنشین کرن و خانەنشینیا خوە دێ ژ سندۆقێ وەرگریت.
