قاسم شەشۆ: دخوازین حوكمه‌تا عیراقێ شنگالێ برێڤه‌ ببه‌ت نه‌كو په‌كه‌كه‌

ئاژانسا خانی، تایبەت:

فەرماندەکێ پێشمەرگەیی ل شنگالێ ئاشکرا کر، دخوازین بادەکا ئەمنیا ناڤ باژێڕێ شنگالێ و ھەموو باژێڕکێن سەر ب شنگالێ ڤه‌ ژلایێ حوکمەتا عێراقێ بھێنە برێڤەبرن نەک وھێزێن پەکەکێ ھەروەسا دبێژیت، ئەڤر ۆژی شەڕ یێ بەردەوامە ل شنگالێ.

قاسم شەشۆ، فەرماندێ پێشمەرگەی ل شنگالێ بۆ ئاژانسا خانی دیارکر” ناکۆکیێن دناڤبەرا ھێزێن عێراقی و چەکدارێن پەکەکێ ل شنگالێ د بەردەوامن، ئەڤرۆكه‌ ژی ل گرعوزێر شەر و پێکدانان دناڤبەرا ھەردو ئالییان دا ھەبوون، ئەگەرێ شەڕێ دناڤبەرا وان بۆ وێ چەندێ ڤەدگەڕیت، سوپایێ عێراقێ ھندەک خال دیارکرینه‌ بۆ جھگیرکرنا سەربازێن خۆ، پەکەکە ژی دبێژیت ئەڤ خالە یێن ل ژێر کۆنتڕۆلا مە دا و د بەرھەڤ نینن بۆ ھێزێن عێراقی چولبکەین.

ناڤهاتی گۆت ژی” داخواز دکەین شەڕ بھێتە راگرتن و حوکمەتا عێراقێ ب لەز کاری بۆ کۆنتڕۆلکرنا رەوشا شنگالێ بکەت، ھەروەسا رێڤەبرنا بادەکا ئەمنی بکەڤیتە د دەستێ ھێزێن حوکمەتا عێراقێ، چونکی ھەبوونا چەند ھێزان بۆ برێڤەبرنا ناڤا باژێڕی ئەنجام دێ ئەڤەبن.