ل سەر فەرمانا سەرۆکێ ھەرێمێ دێ سەنگەرێن پێشمەرگەیی هێنه‌ قائیم كرن

ئاژانسا خانی ” تایبه‌ت:

ل سەر فەرمانا سەرۆکێ ھەرێما کوردستانێ پرۆژێ ڕێکخستن و دروستکرنا كه‌لهێن سەربازی بۆ پێشمەرگەیی کەفتنه‌ بیاڤێ جێبەجێکرنێ و ل ڕۆژێن بهێت دێ هژمارەكا پڕۆژان ل سەنگەرێن پێشمەرگەیی ئێخنه‌ د بیاڤێ جێبەجێکرنێ دا.

ژێده‌‌ره‌كێ بۆ ئاژانسا خانی دیا ركر: پشتی ھێرشێن ئەڤ ساله‌ یێن تیرۆریستێن داعشێ، پێداچوون د سەنگەرێن پێشمەرگەیی دا هاتینه‌ کرن و سەنگەر ب روویێ دوژمنان دا هاتینه‌ قائیم کرن، ژ لایێ سەرۆکاتییا ھەرێما کوردستانێ لژنەک بۆ ڕێکخستنا سەنگەران پێک ھاتبوو، سەر ژنوو سەنگەرێن پێشییێ یێن پێشمەرگەیان هاتینه‌ ڕێک خستن ژ پێخه‌مه‌ت بەرگریکرنێ ژ ئاخ و خه‌لكێ ھەرێما کوردستانێ ژ ھەر ھێرشه‌كا چەکدارێن تیرۆریستێن داعشێ.”

هه‌روه‌سا گۆت ژی: ل سەر فەرمانا سەرۆکێ ھەرێما کوردستانێ هژمارەكا خانی و كه‌لهێن سەربازی بۆ ھێزێن پێشمەرگەیی هاتینه‌ دروست کرن و پشكه‌ك ژ وان خانیێن ھێزێن پێشمەرگەیی ته‌مام بووینه‌ و د پشكه‌كا دیتر دا کار تێدا دهێته‌ کرن، ئەو جهێن دهێنه‌ دروست كرن بۆ ھێزێن پێشمەرگەیهی لدووڤ ستانداردێن سەربازینه‌ بۆ پاراستنا ھێزێن پێشمەرگەیێ کوردستانێ.”