ئاژانسا خانی: تایبه‌ت
بڕیارە ل چەند رۆژێن داھاتی وەزارەتا چاندنێ و ژێدەرێن ئاڤێ راپۆرتەکێ لدۆر رەوشا ھشکەسالیێ بەلاف بکەت و ھۆشداریێ ژی ددەت لدۆر ھشک بوونا ھژمارەک گوندێن ھەرێما کوردستانێ و مەترسیان لسەر زۆر دەڤەراژی ھەیە.
ژێدەرەکی ل وەزارەتا چاندنێ و ژێدەرێن ئاڤێ بۆ ئاژانسا خانی دیارکر” ل چەند رۆژێن داھاتی رێڤەبەرایەتیا گشتیا ژێدەرێن ئاڤێ دێ راپۆرتەکا ھویر و زانستی لدۆر رەوشا ھشکەسالیێ بەلافکەت و ھویردەکاریێن کاریگەریێن کێمیا بارانا ئەڤسالە لسەر ئاڤا ھەرێما کوردستانێ دێ بھێنە دیارکرن ھەموو دەڤەرێن ھەرێما کوردستانێ تێدا ھەنە و دێ رێژا ئاڤێ و کێمیا بارانێ ھێتە دیارکرن.
ژێدەری گۆتژی” دێ ھژمارا وان گوندێن تووشی ھشکەسالیێ بووی ھێنە دیارکرن دگەل وان دەڤەر و گوندێن مەترسیا ھشکەسالیێ لسەر ھەیە، ھەروەسا دێ چارەسەریێن بلەز بۆ ھێنە دیارکرن، راپۆرت دێ بیتە بنەمایێ کارکرنا حوکمەتێ بۆ بەرھنگاربوونا ھیشکەسالیێ ل ھەرێما کوردستانێ.
