داقووق.. 4 کەس د پەقینەکێ دا بوون قوربانی

ئەفسەرەک و دو عەریفێن سوپایێن ئیراقێ د پەقینەکێ دا ل سنۆرێ داقووق ھاتن کوشتن و کەسەکێ دی ژی برینداربوو.
میدیایێن ئیراقی راگەھاندییە؛ بۆمبەکا چاندی دوھی رۆژا ئەینیێ ل سنۆرێ داقووقێ کو دکەڤیتە باشورێ پارێزگەھا کەرکووکێ پەقییە وئەفسەرەک ب ناڤێ نیھاد فەلاح حەسەن و دو عەریفێن سوپایێ ئیراقێ ب ناڤێن مورتەزا جەبار و سەفا کازم د پەقینێ داھاتینە کوشتن و کەسەکێ دی ژی برینداربوو.
دیار ژی کرییە، پەقین ب رێکا بۆمبەکا چاندی بوو و ھەمەرەکا سەر ب لیوا 45 یا سوپایێ ئیراقێ کربوو ئارمانج، تا نها ژى چ ئالییان به‌رپرساتییا خوه‌ ژ وێ په‌قینێ دیار نه‌كرییه‌، لێ لڤینێن تیرۆرستێن داعشێ ل وان ده‌ڤه‌ران زێده‌بووینه‌ ب شێوه‌یه‌كێ رۆژانه‌ هێرشان دكه‌نه‌ سه‌ر هێزێن ئیراقى و وه‌لاتیێن سڤیل.