لژنا ڤه‌كۆلینێ ل سه‌ر هێرشا سه‌ر باژێرێ هه‌ولێرێ كارێن خوه‌ ته‌مام كرن

لژنا ڤه‌كۆلینان ل په‌رله‌مانێ عیراقێ كارێ خوه‌ ده‌رباره‌یى هێرشا ل سه‌ر هه‌ولێرێ هاتییه‌ كرن تمامكرن.

جێگرێ سه‌رۆكێ په‌رله‌مانێ عیراقێ شاخه‌وان عه‌بدوللا دبێژیت: وێ هێرشێ خانییێ كه‌سه‌كێ سڤیل كرییه‌ ئارمانج و ژلایێ چ ده‌زگه‌هانڤه‌ نه‌هاتییه‌ بكارئینان، لژنه‌یا ڤه‌كۆلینێ ئه‌و هێرشا مووشه‌كى شه‌رمزار كر و ب پێشلكارییا سه‌روه‌رییا ئاخا عیراقێ هژمارت و دڤێت ئیران قه‌ره‌بوویا زیانێن وێ بكه‌ت.

ناڤهاتی زێده‌تر ئاشكرا كر، وێ لژنێ دووپاتى ل وێ چه‌ندێ كرییه‌ كو پێدڤییه‌ وه‌زاره‌تا ده‌رڤه‌ یا عیراقێ ب رێكارێن رێگریكرنێ ژ دووباره‌بوونا هێرشان ل ناڤه‌ندێن نێڤده‌وله‌تى راببیت و سه‌روه‌رییا ئاخا عیراقێ بپارێزیت.