گاز پرۆما رووسی هنارتنا گازێ بۆ وەلاتێن پۆلەندا و بولگاریا راوستاند

پشتی کۆمپانیا گازپڕوما رووسی راگەهاندی، کو وان هنارتنا گازێ بۆ پۆلەندا راوستاند، بهایێ گازا سروشتی ل ئۆرۆپا بشێوەک بەرچاڤ بلندبوو.

ل گۆرەی ئاماژێن بۆرسا لەندەن ICE بهایی گازا سروشتی ب رێژا سەدێ 12 بلند بوویە و بهایێ 1000 مەترێن سێجا یێن گازا سروشتی گەهشتە 1150 دۆلاران.

ل دووڤ ژێدەرێن نووچەیێن پۆلەندا هاتینە راگەهاندن، هنارتنا گازێ ژ لایێ رووسیا بۆ پۆلەندا هاتیە راوستاندن، هەروەسا کۆمپانیا گازپرۆم ژی دوپاتکریە، ژ ئەگەرێ دروستبوونا ئاریشا د دانا پاران دا ب ڕۆبلێ رووسی هنارتنا گازێ بۆ پۆلەندا و بولگاریا راوستاندیە.

کۆمپانیا گازپرۆم د راگەهاندنەکێ دا راگەهاند، وارسو یا پێگیرە ل گۆرەی دانا سیستەمێ نوو گشت خەرجیان ب رۆبلێ رووسی بدەت، لەورا هنارتنا گازێ بۆ وی وەلاتی راوستاندیە.

ئەڤە ددەمەکی دایە بانکا جیهانی راگەهاندبوو، پێشبینی دکەن بهایی گازا سروشتی ل ئۆرۆپا دوو جاران هند بلند ببیت و ئاماژە کربو بهایێ رەژیێ دێ ب رێژا 80% بلند بیت.