سهرۆكی لقا دهۆك یا سهندیكا كرێكارێن كوردستانێ راگههاند، 35%ێ یا وان كرێكارێن ل دهۆكێ كاردكهن ژ دهرڤهى ههرێما كوردستانێ هاتینه و بههرا پترا وان كوردێن پارچێن دى یێن كوردستانێ نه و حهزدكهن ل دهۆكێ كاربكهن.
ئهڤرۆ ئێكشهمبى 1-5-2022، سهرۆكێ لقا دهۆك یا سهندیكا كرێكارێن كوردستانێ وهلات ئهمین دیاركر، شهرێ داعشێ و بهلاڤبوونا ڤایرۆسێ كورۆنایێ كارتێكرن لسهر رهوشا كرێكاران ههبوو و گوت: ل پارێزگهها دهۆكێ 65%ێ یا كرێكاران هاولاتییێن پارێزگههێ نه و 35%ێ ژدهرڤهى ههرێما كوردستانێ هاتینه كو دوو بهشن، بهشێ پتر كوردێن باكور و رۆژئاڤایێ كوردستانێ نه و حهزدكهن ل پارێزگهها دهۆكێ كاربكهن و حكومهتا ههرێما كوردستانێ لدووڤ چهند رێنمایان دهرفهتا كاركرنێ دایێ، و بهشهكێ كرێكاران دبیانى نه، زێدهتر وهلات ئهمینى ئاشكراكر كو رێژهیا بێ كارییێ ل دهۆكێ 10 بۆ 15%ێ یه و پێشبینى دكهن ئهڤ رێژهیه هێشتا بلند ببیت، و دووپاتى ل وێ چهندێ كر ئهو وهك سهندیكا كرێكاران ههموو بزاڤان دكهن مافێن كرێكاران بپارێزن وهك گهشهپێدانا سندوقا خانهنشینییێ و دابینكرنا شوقه و یهكهیێن ئاكنجیبوونێ بۆ كرێكاران و كارهكێ باش دڤى بوارى دا هاتییه كرن و ل ڤان نیزیكان جههك بۆ ئاڤاكرنێ دێ هێته دهستنیشانكرن و كار تێدا هێتهكرن.
