شیره‌تكارێ کازمی: داهاتێ نەفتێ دێ بۆ ته‌خا هەژاران و ئاسایشا خوارنێ و وه‌به‌رهێنانێ ب کارئینین  

شیره‌كارێ سەرۆک وەزیرێن عیراقێ راگەهاند، دو رێك هه‌نه‌ بۆ خەرجکرنا زێده‌كرنا داهاتێ نەفتێ، کو نوكه‌ بهایێ وێ د جیهانێدا بلندبوویه‌، هەروەسا دێ سێ بیاڤان کەنە کارێ پێشینەیا خوه‌.

مەزهەر محەمەد سالحی د نووترین داخویانى دا ئاشكرا  كر: کارێ وان یێ ده‌ستپێكی بۆ خەرجکرنا وێ رێژا زێده‌كرى دێ بۆ سێ بیاڤێن سەرەکی بیت، ئه‌و ژى چینا هەژاران و ئاسایشا خوارنێ و پڕۆژێن وەبەرهێنانێ.

ناڤهاتی گوت ژى: رێیا ئێكێ بۆ ب هێزکرن و به‌رهنگاربوونا کێشێن هەژاریێ و چینا هەژارانە، ئەو ژى ب رێیا پرۆگرامێ پشته‌ڤانییا جڤاكی و پرۆگرامێ چاڤدێریێ، هەروەسا به‌رفره‌هكرنا پرۆگرامێ پلێتا خوارنێ، پشته‌ڤانیكرنا بەرهەمێ ده‌خل و دانى ژ پێخه‌مه‌ت ئاسایشا خوارنێ. ” هه‌روه‌سا رێیا ب هێزكرنا پڕۆژێن وەبەرهێنانێ ل عیراقێ.