ل ئهرزهرۆما باكوورێ كوردستانێ، چوار ماموستایان وێنهك ل گهل تابلۆیا “ بخێربهێن “ ب زمانێ كوردى گرت و سفكاتى ب نڤێسینا وێ كر و ژبهر وێ كریارێ ژ كارێن وان هاتنه دویرئێخستن.
موخلس چیچهك، رێڤهبهرێ پهروهردا ئهرزهرۆمێ د توویتهكى دا راگههاند، ڤهكۆلینێن كارگێرى و یاسایى ل گهل وان چوار ماموستایان یا بهردهوامه، تا دهمێ ب دوماهى هاتنا ڤهكۆلینان، ئهو ماموستایه دێ ژ كارێن وان هێنه دویرئێخستن.
ئهو وێنه ل دهروازێ باژێركێ كارایازى هاتییه گرتن و ئهو ماموستایه ل قۆتابخانهكا وى باژێركى وانان دبێژن. وان سهرهدهرییهكا نه جوان ل ژێر وى تابلۆى كرییه كۆ ب زمانێ كوردى ل سهر هاتییه نڤیسین “ بخێربهێن “ .
وى وێنهى ل تۆرێن جڤاكى كارڤهدانێن مهزن ل دویڤ خۆه ئینان و سكالایێن یاسایى ل دژى وان ماموستایان هاتنه تۆماركرن.
