بارانێن بوش ل پارێزگه‌ها قه‌رسێ ل باكوورێ كوردستانێ، بویه ئه‌گه‌رێ دروستبوونا له‌هیان ل سێ گوندێن سه‌ر ب وێ پارێزگه‌هێ ڤه.
ژ ئه‌گه‌رێ بارانێن ب هێز كو زێده‌تر ژ سێ ده‌مژمێران بارین، ئاستێ ئاڤێ ل ریبارێ باژێركێ زاروشاد ب شێوه‌كێ به‌رچاڤ بلندبوو و هه‌رسێ گوندێن كوچوك چاتما، ئاكچاكاله و ئاتچلار و و هژماره‌كا زۆر ژ خانیان بن ئاڤ كه‌فتن.
تیمێن باژێرڤانیێ بۆ هاریكاركرنا وه‌لاتیان، به‌ره‌ڤ وان گوندان چوون و ده‌ڤه‌رێن نێزیك ریبارێ زاروشاد رێره‌وا ئاڤێ گوهرى ژبو هندێ بلندبوونا ئاستێ ئاڤی ل وان سێ گوندان كێم ببیت.
رێڤه‌به‌ریا سه‌قاناسیا ده‌ڤه‌را 13 كو تاییبه‌ته ب بشكا رۆژهه‌لاتێ باكورێ كوردستانێ راگه‌هاند، بارینا بارانێن بوش تا 5ى مه‌ها ئه‌یارێ دێ یا به‌رده‌وام بیت.
