وه‌زاره‌تا پێشمه‌رگه‌ى دراگه‌هاندنه‌كێ دا دیاركر، وه‌زیرێ پێشمه‌رگه‌ى شوره‌ش ئیسماعیل و شیره‌تكارێ بلندێ سه‌ربازى یێ بریتانیا رۆب درایڤه‌ر ل وه‌زاره‌تا پێشمه‌رگه‌ى یا حكومه‌تا هه‌رێما كوردستانێ كۆمبوون و دووپاتى ل پاراستنا سه‌قامگیرى و ئارامی و ئاسایشا ده‌ڤه‌رێ كر.
وه‌زاره‌تا پێشمه‌رگه‌ى ئاشكراكر، دكۆمبوونێ دا سه‌رۆك ئه‌ركانێن پێشمه‌رگه‌ى فه‌ریق جه‌مال محه‌مه‌د و لیوا روكن به‌ختیار و شیره‌تكارێ بلندێ وه‌زاره‌تێ عه‌مید روكن هه‌ژار عومه‌ر دووپاتى ل به‌رده‌وامبوونا هه‌ماهه‌نگی و هاریكارییا دناڤبه‌را هه‌ردوو لایه‌نان دا كر.
هه‌روه‌سا وه‌زیرێ پێشمه‌رگه‌ى دووپاتى ل پاراستنا سه‌قامگیرى و ئارامى و ئاسایشا ده‌ڤه‌رێ كر و گوت: وان پێدڤى ب هاریكاری و كارێن هه‌موو لایه‌نانه، و سوپاسییا ئه‌رك و ماندیبوونا بریتانیا و دوستێن پێشمه‌رگه‌ى كر، كو روله‌كێ به‌رده‌وام و كاریگه‌ر ل پێشخستنا شیانێن پێشمه‌رگه‌ى و پێشڤه‌برنا پرۆسه‌یا چاكسازییێ هه‌بوو.
