بەرپرسێ لقا 17 یا PDK پەیامەکا پیرۆزباهیێ ئاراستەی کادر و کارمەندێن بنگەهێ لالش یێ رەوشەنبیری کر

ب هەلکەفتا 29 سالیا دامەزراندنا بنگەهێ لالش یێ رەوشەنبیری بەرپسێ لقا 17 یا PDK ئاراستەی پەیامەکا پیرۆزباهیێ ئاراستەی کادرێن بنگەهێ لالش کر و ئاماژە کر، بنگەهێ لالش بوویە هێمایێ پێکڤەژیانێ وبرایەتیێ دناڤبەرا هەمی پێکهاتێت کوردستانێ.

ئاشتی کۆچەر، بەرپرسێ لقا 17 یا PDK راگەهاند، لژێر درۆشمێ لالش کانیەکا زەلالە دهورته دناڤ ڕۆبارێ ڕەوشەنبیریا کوردی دا ، بەری 29ساڵا ئێک ژ گرنگترین سازیێن ڕەوشەنبیری وکۆمەلایەتی گرێدای ب کەلتوور وڕەسەناتایا ئۆلا ئێزیدیا ڤە لسەرانسەری کوردستان هاتە دامەزراندن.

بەرپرسێ لقا 17 یا PDK ئاماژەکر، بنگەهێ لالش شیا زەلالەیەکا جوان وپێشکەفتی لسەر راستی وئارمانجێت ئێزێدیاتیێ  نیشانی جیهانێ بدەت، هەر وەسا دیارکر، بنگەهێ لالش بوویە هێمایێ پێکڤەژیانێ وبرایەتیێ دناڤبەرا هەمی پێکهاتێت کوردستانێ دا هەر وەسا بویە ودەرگەهێ خرڤەبوونا تەخا ڕەوشەنبیرا.

ئاشتی کۆچەر ئاماژەکر، “لڤێرێ جهێ داخەکا زۆر مەزنە د دەمەکێ کوڕت دا چەند هەفالێت عەزیز ژ سەرۆک ودامەزرینەرێت  بنگەهێ لالش وەغەرکرن ژ وان هێژایان شێخ شامو وپیر خدر وعیدو باباشێخ”.

ل دوماهیا پەیاما خوە ئاشتی کۆچەردبێژیت:”هەڤاڵێن دەستەیا بلند ب هەمی نڤیسینگەهــ وتایێت خوڤە جارەکا دی ڕۆژا دامەزراندنا بنگەهێ لالش ل هەموو ڕەوشەنبیرێت ئێزدیا وکوردستانێ پیرۆزدکەم وهیڤیا سەرکەفتنێ ژهەوەێن بەرێز رە دخوازم”.