ژ ئەگەرێ شۆرتەکێ کارەبێ، 12 خیڤەت ل کەمپا چەم مشکۆ ل سنورێ قەزا زاخۆ سۆتن و دوبارە خیڤەت ب سەر قوربانییان دا ھاتن بەلاڤکرن.
کاروان زەکی ئەتروشی، بەرپرسێ راگەھاندنا رێڤەبەرییا کۆچ و کۆچبەران و بەرسڤدانا قەیرانان ل دھۆکێ بۆ خانی نیوز راگەھاند؛ ژ ئەگەرێ شۆرتەکێ کارەبێ ل درەنگی شەڤا بۆری 12 خیڤەت د ناڤا کەمپا چەم مشکۆ دا ل سنورێ قەزا زاخۆ سۆتن ھەروەسا ژ بەر ترسا ئاگربەربوونێ دو خیڤەت ژ ئالیێ خودانێن وان ڤە ھاتن دڕاندن .
خویا ژی کر، چوو زیانێن گیانی نەبوون ته‌نێ زیانێن ماددی بوون و ھەر زوو ئاگر ژ لایێ بەرەڤانییا باژاری ھاتە کونترۆلکرن.
کاروان زەکی دیار ژی کر، تیمەکا رێڤەبەرییا کۆچ و کۆچبەران ئەڤرۆ سپێدێ سەرەدانا وان کرن و خیڤەت ب سەر خێزانێن خیڤەتێن وان سۆتین بەلاڤکرن و بزاڤان دکەن کەل و پەلان ژی بگەھینن وان.
خانی نیوز، نه‌وزاد هلۆری
