<h3 style="text-align: justify;"><span style="font-size: 18pt;">نه‌ته‌وه‌یێن ئێكگرتى دیاركر، ل سالا 2022ێ دسه‌ر 2.3 ملیار كه‌سان دا لسه‌رانسه‌رى جیهانێ تووشى قه‌یرانا ئاڤێ بووینه، و هوشدارى دان كو هه‌تا سالا 2030ێ نێزیكى 700 ملیۆن كه‌سان دێ ژبه‌ر هشكه سالییێ ئاواره بن.</span></h3> <h3 style="text-align: justify;"><span style="font-size: 18pt;">ئاژانسا نه‌ته‌وه‌یێن ئێكگرتى د داوى راپۆرتا خوه‌دا ئاماژى دا هندێ كو ژ سالا 2000ێ وه‌ره هشه‌كه سالى ب رێژه‌یا 29%ێ زێده‌بوویه.</span></h3> <h3 style="text-align: justify;"><span style="font-size: 18pt;">هه‌روه‌سا ژ سالا 1970ێ هه‌تا سالا 2019ێ نێزیكى 650 هزار كه‌سان ژبه‌ر هشكه سالییێ گیانێ خوه ژ ده‌ستداینه، و ئه‌ڤ ساله هنده‌ك ده‌ڤه‌ر تووشى هشكه سالییه‌كا توند بووینه كو ل وان ده‌ڤه‌ران نێزیكى 160 ملیۆن زارۆكان تێدا دژین.</span></h3> <h3 style="text-align: justify;"><span style="font-size: 18pt;">راپۆرتا نه‌ته‌وه‌یێن ئێكگرتى لدوور زیانێن ئابوورى یێن هشكه سالییێ هوشدارییێ د ده‌ت كو هه‌تا سالا 2030ێ پێشبینى دهێته‌كرن 700 ملیۆن كه‌س ژبه‌ر هشكه سالییێ ئاواره ببن، و 216 ملیۆن كه‌س ژى ژبه‌ر هه‌مان ئه‌گه‌ر دێ وه‌لاتێن خوه هێلن.</span></h3> <h3 style="text-align: justify;"><span style="font-size: 18pt;">دبه‌شه‌كێ دى یێ راپۆرتا ئاژانسا نه‌ته‌وه‌یێن ئێكگرتى دا هاتیه، هه‌تا سالا 2040ێ ژ هه‌ر چار زارۆكان ئێك ژ وان دێ ل ده‌ڤه‌ره‌كا هشكه سالییێ ژیت و هه‌تا سالا 2050یێ هشكه سالى دێ 75%ێ یا رویێ ئه‌ردى گریت.</span></h3> <h3 style="text-align: justify;"><span style="font-size: 18pt;">لدوور زیانێن ئابوورى یێن هشكه سالییێ نه‌ته‌وه‌یێن ئێكگرتى ئاشكراكر، ژ سالا 1998 هه‌تا 2017ێ، ب كوژمێ</span>124 ملیار دۆلاران زیان ب ئابوورێ جیهانێ كه‌ڤتییه.</h3>
