ئەڤرۆ روژا دووشەمبی ل ئامێدیێ قایممقامێ قەزا ئامێدیێ وارشین سەلمان پێشۆازی کۆنسلێ گشتی یێ فرەنسا ل هەرێما کوردستانێ ئولیڤی دیکوتینی و شاندێ دگەل دا کر، کو نوونەرێ رێڤەبەرییا شینوارێن دهوکێ ل قەزا ئامێدیێ هه‌یوار ئامێدى ژی بەرهەڤ ببوو.
پشتی دیدارەکێ قایمقامێ قەزا ئامێدیێ و کۆنسلێ گشتی یێ فرەنسا ل هەرێمێ سەرەدانا چەندین جهێن شینواری یێن ئامێدیێ وەک ( مزگەفتا مەزن یا ئامێدیێ، کنیشتا جهیان، گورستانا زەردەشتییان، دەرگەهێ ئامێدیێ، کەنیسا مەسیحییان، قوتابخانا قوبەهان یاشینواری و ئاشێ تەحینا پرا عیسێ یێ خومالی ) و چەند جهێن دی یێن شینواری کر.
دسەره‌دانا خوه‌دا بۆ دەڤەرێ کۆنسلێ گشتی یێ فرەنسا و شاندێ دگەل دا خوشحالییا خوه ب دیمەنێن سەرنج راکێش و شینواری یێن سنورێ قەزا ئامێدیێ نیشاندا.
ژلایێ خوڤە قایمقامێ قەزا ئامێدیێ خوشحالییا خوه ل بەرامبەر سەره‌دانا شاندێ ناڤبری نیشاندا و سوپاسییا وان بۆ وێ گرنگیا کۆنسلخانه‌یا فرەنسا دەتە جهێن شینواری یێن دەڤەرێ كر، و هیڤی خواست کو ل پاشه‌رۆژێ دگەل حکومەتا هەرێمێ بو نووژەنکرن و پاراستنا جهێن شینواری یێن سنورێ قەزا ئامێدیێ دهاریکار و هەڤکاربن.
