ب سه‌رپه‌رشتییا دكتور محه‌مه‌د شوكری سه‌روكێ ده‌سته‌یا وه‌به‌رهێنانی و ب ئاماده‌بونا رێڤه‌به‌رێن گشتی یێن دناڤ ده‌سته و رێڤه‌به‌رێن گشتى یێن وه‌به‌رهێنانێ دا ل پارێزگه‌هو ئیداره‌یێن سه‌ربه‌خو كۆمبونه‌كا تایبه‌ت برێڤه‌چوو.
دچوارچوڤێ كۆمبونێ دا سه‌روكێ ده‌سته‌یا وه‌به‌رهێنانێ تیشك ئێخسته سه‌ر بریارێن مه‌سرور بارزانى سه‌روكێ حكومه‌تا هه‌رێما كوردستانێ بۆ درووستكرنا 20 هزار یه‌كه‌یێن ئاكنجیبونێ كو بۆ كێمده‌رامه‌ت وكرێنشینان دێ هێنه ته‌رخانكرن و دووپاتى ل سه‌ر له‌زكرنێ دبجهئینانێ دا كر.
هه‌روه‌سا بووچونێن ئاماده‌بویان سه‌باره‌ت دیاركرنا پارێ پێشه‌كى و بهایێ شوقێ و دابینكرنا خزمه‌تگوزارییان وه‌رگرت و بریاره رێژه‌یا پتر بو وان كه‌سێن هه‌ژار وكێمده‌رامه‌ت بیت كو شیانێن دابینكرنا كرێیا خانى نه‌بیت و دهه‌مان ده‌م دا د چ پروژیه‌كێ حكومه‌تێ دا مفادار نه‌بیت.
