<h2 style="text-align: justify;"><span style="font-size: 18pt;">لقا 18 یا پارتی دیموکراتی کوردستان پەیامەک بەلاڤکر و راگەهاند، بهەلكەفتا (46)ەمین سالڤەگەرا دهسپێكرنا شۆرشا گولانێ یا نشتیمانی و پێشكەفتنخواز، گەرمترین پیروزباهیان ئاراستەی جەنابێ سەروک بارزانی و سەرکردایەتیا پارتی و خەلكێ كوردستانێ بگشتی دكەین، سەرێ رێز و رومەتێ بو شەهیدێن بزاڤا ئازادیخوزیا گەلێ كوردستانێ دچەمینین، سلاڤان دهنێرین بو پێشمەرگێن دلێر و قەهرەمانێن شیاین دكاودانێن سەخت و دژوار دا بسەركردایەتیا پارتی و سەروكاتیا بابێ روحی (بارزانیێ نەمر) شورەشا گولانێ ل (26ی گولانێ 1976)ێ بەرپا بكەن وەكو درێژەدان ب شورەشا ئیلونا مەزن.</span></h2> <h2 style="text-align: justify;"><span style="font-size: 18pt;">لقا 18 یا پارتی ئاماژەکریە، بهرى (46) سالان ڤێ شورەشێ ب شيانێن كێم و ساده، ب پشکداریا هەژمارەکا كادر و پێشمهرگهيێن شۆرشا ئهيلوولێ و چەندین گهنجێن نوو پێگههشتى دهسپێكر، ددهمهكيدا كو هێژ باندۆرێن روودانێن 1975ێ ل سهر خهلكێ كوردستانێ بهێز بوون، بێ هيڤيبوونێ پشكهكا مهزن ژ جڤاكێ كوردستانى ڤهگرتبوو، و داگيركهرێن كوردستانێ د وێ باوهرێدا بوون كو ئێدى پێشمهرگهى هەبوون نابیت، دهسپێكرنا شۆرشێ ڤهژيانهڤهيهكا ب هێز و كاريگهرا شۆرشا ئهيلوولێ و تهبايىیا بزاڤا نهتهوهييا كوردى بوو و بهردهوامى ب خهباتا خو دا ههتا سهرهلدانا 1991ێ.</span></h2> <h2 style="text-align: justify;"><span style="font-size: 18pt;">لقا پارتی ل ئامێدیێ دیارکریە، شورەشا گولانێ وەرچەرخانەكا مەزن بوو د مێژووا هەڤچەرخا گەلێ كوردستانێ دا، و بو ئەگەرێ چەندین گهورینان دبیاڤاێن جودا دا، نەخاسمە دبوارێن سیاسی، لەشكەری، ئیداری و جڤاكی دا، شورەشەک خودان داستان و قارەمانیێن مەزن، دەستکەفتێن گرنگ مینا ئازادکرنا رووبەرەکێ بەرفرەهـ ژئاخا كوردستانێ ونویکرنەڤەیا هیڤی و ئومێدێن گەلێ مە و دیسان بهێزکرنا گیانێ بەرخودان و مکومکرنا پێکڤەژیان و خەباتێ.</span></h2> <h2 style="text-align: justify;"><span style="font-size: 18pt;">هیڤیا مە ئەوە ئەڤ هەلكەڤتە ببیتە هاندەرەك ژبو پتر ئێکگرتنا گەلێ مە، خرڤەبوونا جەماوەرێ كوردستانێ لدوورێن رێبازا پیروزا پارتی و بارزانی وهیڤی و ئومێد ومەرجەعێ کوردان سەروک بارزانی پێخەمەت پاراستنا وان دەستكەفتێن ب خوینا گەشا شەهیدان و رەنج و ماندیبونا دەهان سالان یا خەلكێ كوردستانێ هاتینە بدەستڤە ئیناین وتایبەت.</span></h2> <h2 style="text-align: justify;"><span style="font-size: 18pt;">ل دوماهیا پەیاما خۆ لقا 18 یا پارتی سالڤەگەرا شورەشا گولانێ پیرۆزکریە و راگەهاندیە، "دووبارە سالڤەگەرا بەرپابوونا شورەشا گولانێ ل تەڤایا گەلێ مە یێ قوربانیدەر، شورەشکێر، خەباتکار، ئازادیخواز، ماندونەناس وپری ئومێد پیروزبیت، ب ئومێدا پاشەروەژەکا گەشتر لژێر ئالا و ناڤێ دەولەتا کوردستانێ."</span></h2>
