ب ھەلكەڤتا شۆرەشا ٢٦ گولانا نشتیمانی یا پێشكەڤتن خواز و ب ئامادەبوونا “سەربەست تروانشی” ئەندامێ ئەنجۆمەنێ سەركردایەتییا پارتی و بەرپرسێ لقێ ئێك و ب بەرھەڤبوونا رێڤەبەرێن دام و دەزگەھێن میری و جەماوەری و لەشكەری و ئایینی ئاھەنگەكا بەرفرەھ ھاتە سازكرن
ب ڤێ ھەلكەڤتی بەرپرسێ لقێ ئێك پەیڤەك ئاراستە كر و گۆت: ب ڤێ ھەلكەڤتێ ب سوز و باوەرییەكا مەزن و ب ھزركرنەكا مەزن پیرۆزباھییا ل جەنابێ سەرۆك بارزانی و كەس و كارێن سەربلندێن شەھیدان و پێشمەرگەیێن قەھرەمان و تەڤایا خەلكێ كوردستانێ دكەین.
ھەروەسا بەرپرسێ لقێ گۆت: د سەخترین قۆناغا دیرۆكا گەلێ مە دا پارتی بریار دا دوژمن چەند ب ھێز ژی بن دەست ژ مافێن رەوایێن خەلكێ كوردستانێ بەرنادەین و ئەگەر شۆرەشێ ئەو گرێیا ھندی چیا نەڤەكربان ئەم نە گەهشتینە ڕۆژا ئەڤرۆ.
ل دووماھیكێ بەرپرسێ لقێ تەكەز ل وێ چەندێ كر دەستكەڤتیێن مە كەرامەت و نامیسا مەنە و ژ ڕۆحا مە ب قیمەتترن ژ بۆ پاراستنا وان قوربانیدان و شەھیدبوون ل كیڤە بن ئەم دێ ل وێرێ بن.
