دلشاد شەهاب: بزاڤێن سەرۆکاتییا هەرێما کوردستانێ بۆ لێک نێزیككرنا لایەنان د بەردەوامن

ئه‌ڤرۆ دوشه‌مبی” شیره‌تكارێ سه‌رۆكێ هه‌رێما كوردستانێ راگه‌هاند: بابه‌تێ هه‌لبژارتنان دناڤ لايه‌نان دا بوويه‌ بابه‌ته‌كێ سياسى.

دلشاد شه‌هاب د پرێس كۆنفرانسه‌كێ دا ل هه‌ولێرێ دیار كر: به‌رده‌وام بزاڤێن سه‌رۆكاتيا هه‌رێما كوردستانێ ئه‌و بوون كو لايه‌نێن سياسى نێزیكی ئێكودو ببن و ب لێكتێگه‌هشتنێ چاره‌سه‌ریيا ئاریشان بهێته‌ كرن و سه‌رۆكاتيیا هه‌رێما كوردستانێ دێ ل سه‌ر ڤێ رێبازا خۆ یا به‌ر‌ده‌وام بيت.

ناڤهاتی گۆت ژی: بابه‌تێ هه‌لبژارتنان دناڤ لايه‌نێن سياسى دا بوويه‌ بابه‌ته‌كێ سياسى، نوكه‌ ئه‌ڤ بابه‌ته‌ ل په‌رله‌مانێ كوردستانێيه‌، فراكسيۆن د په‌يوه‌ندیيان دانه‌ و سه‌رۆكاتيیا هه‌رێما كوردستانێ ژى ژ نێزيك چاڤدێریيا بابه‌تى دكه‌ت و هه‌موو بزاڤێن خۆ بكار دئينيت دا كو بشێت رۆله‌كێ هاريكار د لێك نێزيككرنا لايه‌نان دا ببينيت.

دلشاد شه‌هابی ئه‌و ژی ئاشكرا كر: ئه‌م هه‌موو ل سه‌ر ئه‌نجامدانا هه‌لبژارتنان د ده‌مێ خۆ دا د كۆكين و بزاڤێن كۆمكرنا لايه‌نێن سياسى ل سه‌رۆكاتیيا هه‌رێما كوردستانێ د به‌رده‌وامن لێ هه‌تا نوكه‌ چ ده‌م بۆ نه‌هاتينه‌ ديار كرن.