هژماره‌كا پرۆژان دێ ل قەزا باتیفا ھێنە ئه‌نجامدان

 ئاژانسا خانی ” تایبه‌ت:

ئەڤرۆ شه‌مبییێ ٤/٦/٢٠٢٢ گوھدار شێخۆ، سەرپەرشتیارێ ئیدارا سەربه‌خۆیا زاخۆ، ئەنجامدانا ١٦ پڕۆژێن خزمەتگوزاری ل سنۆرێ قەزا باتیفا راگەھاندن، کو ل سەر راسپاردا مەسرور بارزانی ب گوژمێ 7 ملیار دیناران دێ ھێنە ئەنجامدان.

سەرپەرشتێ ئیدارا سەربەخۆ یا زاخۆ، ب ئامادەبوونا د. محەمەد شوکری، سەرۆکێ دەستەیا وەبەرھێنانێ ل حکومەتا ھەرێما کوردستانێ، سەرەدانا قەزا باتیفا کرییه‌ و ل سەر ڕاسپاردا مەسرور بارزانی، سەرۆکێ حکومەتا ھەرێما کوردستانێ و ل بەرژەوەندییا گشتییا خەلکێ دەڤەرێ و سنوورێ قەزا باتیفا، رازەمەندی ل سەر ١٦ پرۆژیێن خزمەتگوزاریێن جۆراوجۆر لسەر بودجا گەشەپێدانا ھەرێمێ، ب گوژمێ 7 ملیار دیناران ھاتە دان و شەش پرۆژە ب گۆژمێ ملیار دیناران ل سەر بودجا ئیدارا سەربەخۆ یا زاخۆ، لژێر ئەنجامدانێ یە.

د پەیڤەکێدا گۆهدار شێخۆ دیار کر: ”ھەر بوھستەکا ڤی وەلاتی قوربانییەک بۆ پاراستنا ڤێ ئاخێ ھاتییه‌ دان، لەوما دەما مرۆڤ دبینت یێ ئاڤەدان دبیت و بەرەڤ پێش دچیت، ئەڤ چه‌نده‌ ڤەدگەریت بۆ سیاسەتا سەرکەڤتیانە یا حکومەتا ھەرێما کوردستانێ، ب تایبەتی کابینا نەھێ ب سەرۆکاتییا مەسرور بارزانی، کو پویتەدانەکا تایبەت ب سێکتەرێ گەشتیاری دایە، بۆ ھندێ کو ئیدی خەلکێ مە ل جھێن گشتی و گەشتیاری، پتر ھەست بکەن ئەو د ئارامن.”

سەرپەرشتێ ئیدارا سەربەخۆ یا زاخۆ گۆت ژی: “حکومەتا کوردستانێ سەرەرایی ھەموو وان گڤاشتن و ئاستەنگیێن دھێنە پێش، بەردەوامە لسەر کاروانێ ئاڤەدانکرن و گەشەکرنا ڕۆیێ ھەموو دەڤەران، ب تایبەت سنۆرێ ئیدارا سەربەخۆ یا زاخۆ، ژبەر ڤێ چەندێ ژی، دێ بزاڤێ كه‌ین ل سنوورێ ھەردو قەزایێن (زاخۆ – باتیفا ) گرنگییەکا تایبەت ب وان سێکتەران بده‌ین، داکو پتر خزمەتا خەلکێ وێ یێ خۆشتڤی بکین.”