ئه‌ڤرۆ ئێكشه‌مبى 5ى خزیرانا 2022ێ جڤاتا وه‌زیران ب سه‌رپه‌رشتییا سه‌رۆكێ حكومه‌تێ مه‌سرور بارزانى كۆمبوو.
دكۆمبوونێ دا سه‌رۆكێ حكومه‌تێ مه‌سرور بارزانى به‌حسا پشكدارییا شاندێ هه‌رێمێ دكونگره‌یێ داڤۆس دا كر، و دووپاتى ل پێشڤه‌برنا په‌یوه‌ندییێن هه‌رێما كوردستانێ دگه‌ل وه‌لاتێن جیهانێ ب تایبه‌تى دبیاڤێن ئابوورى و وه‌به‌رهێنانێ دا كر.
ژلایه‌كێ دیڤه وه‌زیرێ باژێرڤانى و گه‌شتوگوزارێ ساسان عه‌ونى راپۆرته‌ك ل دۆر ره‌وشا گه‌شتوگوزارێ ل هه‌رێما كوردستانێ و ستراتیجییه‌تا هه‌رێمێ دبیاڤێن پێشڤه‌چوون و پێشخستنا كه‌رتێ گه‌شتوگوزارێ دا خواند، دووڤدا سه‌رۆكا ده‌سته‌یا گه‌شتوگوزارێ ئه‌مه‌ل جه‌لال ئاماژه ب هووركارییێن راپۆرتێ دا و چه‌ندین ئامار و زانیارى ده‌رباره‌ى كه‌رتێ گه‌شتوگوزارێ ل هه‌رێما كوردستانێ پێشكێشكرن.
سه‌رۆك وه‌زیران دووپاتى ل وێ چه‌ندێ كر كو پێدڤییه پتر گرنگى ب گه‌شتوگوزارێ بهێته دان، و سرۆشتێ جوانێ كوردستانێ و كۆلتوور و ناسنامه‌یا گه‌لێ كوردستانێ پتر بهێته نیشاندان و ژلایێ دارایڤه ببیته ئێك ژ ژێده‌رێن گرنگیێن داهاتى.
پاشان جڤاتا وه‌زیران ب به‌هرا پترا ده‌نگان راپۆرتا باژێرڤانى و گه‌شتوگوزارێ و راسپارده و پێشنیاز و ستراتیجىییا حكومه‌تا هه‌رێما كوردستانێ بۆ پێشڤه‌برنا كه‌رتێ گه‌شتوگوزارێ په‌سه‌ندكر.
ل داوییا كومبوونێ ره‌شنڤیسێ پرۆژه قانوونا راستڤه‌كرنا ئێكێ یا قانوونا پاراستن و چاككرنا ژینگه‌هێ ل هه‌رێما كوردستانێ ژماره ( 8 ) ژلایێ وه‌زیرا هه‌رێمێ بۆ كاروبارێن په‌رله‌مانى ڤالا فه‌ریدڤه هاته خواندن و ژلایێ جڤاتا وه‌زیرانڤه هاته په‌سه‌ندكرن.
