<h2 style="text-align: justify;"><span style="font-size: 18pt;">سەرۆکێ هەرێما کوردستانێ سەرجەم لایەنێن سیاسی یێن ئیراقێ داخواز دکەت بۆ چارەسەرکرنا ئاریشێن سیاسی ل سەر بنەمایێ دەستوری و ب سەروەرکرنا یاسایێ.</span></h2> <h2 style="text-align: justify;"><span style="font-size: 18pt;">سەرۆکێ هەرێما کوردستانێ نێچیرڤان بارزانی، ئێڤارییا ئەڤرۆ د چارچوڤێ پشکداریکرن د ئاهەنگا دەرچوونا خوێندکارێن زانکۆیا ئەمریکی ل سلێمانیێ، کو بەرهەم سالح سرۆک کۆمارێ ئیراقێ ژی تێدا پشکداربوو، سەرجەم لایەنێن سیاسی یێن ئیراقێ داخوازکرن بۆ چارەسەرکرنا ئاریشێن هەلاویستی یێن وەلاتی ل سەر بنەمایێ دەستوری و ب سەرپشککرنا یاسایێ دا کو بشێن ئەڤ ئاریشێن کونکریتی یێن سیاسی یێن ئیراق تێدا دەرباز دبیت ب دوماهی بینن.</span></h2> <h2 style="text-align: justify;"><span style="font-size: 18pt;">سەرۆکێ هەرێمێ راگەهاند، د ڤی چارچوڤەی دا هەرێما کوردستانێ یا ئامادەیە بۆ هەمی هاریکارییان و حەز هەیە و پێنگاڤ هاڤێتینە بۆ چارەسەرکرنا رەوشا وەلاتی، هەر وەسا دوپاتکر، دێ بەردەوامبن د هاڤێتنا پێنگاڤان دا تا بگەهنە چارەسەریەکێ کو ئیراق ژ ڤێ رەوشا نوکە تێدا دەرباز دبیت رزگار بکەن.</span></h2> <h2 style="text-align: justify;"><span style="font-size: 18pt;">سەرۆکێ هەرێمێ تەکەزکر، هەرێما کوردستانێ ژبلی مافێن رەوا یین دەستوری یێن د چارچوڤێ ئیراقێ دا، چ تشتەکێ زێدەتر داخاز نەکریە.</span></h2>
