ئه‌ڤرۆ 19 خزیرانێ، 75 سال ب سه‌ر شه‌هیدكرنا چوار ئه‌فسه‌رێن كوردێن قاره‌ماندا ده‌ربازبون، كو ژ باشوورێ كوردستانێ بۆ پشكداریكرن د دامه‌زراندنا كومارا كوردستانێدا ل مهابادێ گه‌هشتبوونه رۆژهه‌لاتێ كوردستانێ، پشتى هه‌رفتنا كومارێ ڤه‌گه‌ریانه باشوورێ كوردستانێ و ژ لایێ دادگه‌ها له‌شكه‌رى یا عیراقێ سزایێ سێداره‌دانێ بۆ ده‌ركه‌فت بوو.
رژێما پاشایه‌تیا عیراقێ ل سپێده‌هیا 19 خزیرانێ سالا 1947 ب بڕیارا سالح جه‌بر، سه‌رۆكوه‌زیرێن وى ده‌مى یێ عیراقێ ل گرتیخانا به‌غدا سزایێ سێداره‌دانێ ب سه‌ر هه‌ر ئێك ژ عزه‌ت عه‌بدولعزیز، مسته‌فا خوشناف، خه‌یرولا عبدوالكریم و موحه‌مه‌د قودسى هاته بجهئینان ب تومه‌تا پشكداریكرن د دامه‌زراندنا كومارا كوردستان ل مهابادێ دا.
