ئهڤرۆ چارشهمبی 22 ی خزیرانا 2022 ێ ” ب سهرپهرشتییا مهسرور بارزانی جڤاتا وهزیران ل هەرێما کوردستانێ كۆمبوو و د وێ كۆمبوونێ دا، سهرۆكێ حكومهتا ههرێما كوردستانێ، وهزارهت و بهرپرسێن حكومهتێ راسپاردن پتر هاریكارییا دهزگههێن راگههاندنێ بكهن بۆ دانا زانیاری و هووربینیان ل دۆر كار و چالاكيێن حكومهتێ.
د وێ كۆمبوونێ دا، د. سامان بهرزنجى وهزيرێ ساخلهميێ راپۆرتهك ل دۆر رێكارێن وهزارهتێ بۆ رێگريكرنێ ل بهلاڤبوونا نهخۆشيا كولێرايێ پێشكێشكر كو تێدا ئامار و ئهگهرێن بهلاڤبوونا نهخۆشيێ و رێكارێن كونترۆلكرنا وێ هاتنه ديار كرن.
كهمال محهمهد سالح” وهزيرێ سامانێن سرۆشتى ب وهكالهت ل دۆر رێكارێن وهزارهتێ بۆ كێمكرنا بهايێ پانزينێ ئاخفت و حكومهتێ وهزارهت ب زێدهكرنا بهرههمێ ناڤخۆ و كێمكرنا بهايێ سۆتهمهنيێ راسپارد.
تهوهرهكێ دیتر د وێ كۆمبوونێ دا ل دۆر ب ساناهيكرنا دابينكرنا پێدڤيێن خوارنێ و راكرنا باجێ ل سهر بهرههمێن سهرهكى یێن وهكى (ئار، برنج، زهيتا خوارنێ، دوهن، چايا رهش، شهكر، شيرێ زارۆیان و نۆك، نيسك، باقل، لۆبيا، فاسۆليا و ماش) زێدهبارى چاڤدێريا بازرگانى و رێگرتن ل بلندبوونا بوهايان، ههروهسا مافێن پێكهاتهيێن ئايينى ل ههرێمێ و زهلالى د داتايێن پهترۆل و غازێ يێن ههرێمێ دا و دووڤچوونا خهرجى و داهاتێ پهترۆلێ بوون.
