<h3 style="text-align: justify;"><span style="font-size: 18pt;">سه‌نته‌رێ میترۆ یێ به‌ره‌ڤانیكرنێ ژ مافێن رۆژنامه‌ڤانان پێشوازییا بریارێن كۆمبوونا جڤاتا وه‌زیرێن هه‌رێما كوردستانێ ل دۆر هاریكاریكرنا ده‌زگه‌هێن راگه‌هاندنێ و كاراكرنا قانوونا 11 یا سالا 2013ێ یا مافێ ده‌ستكه‌ڤتنا زانیارییان ل هه‌رێما كوردستانێ كر.</span></h3> <h3 style="text-align: justify;"><span style="font-size: 18pt;">سه‌نته‌رێ میترۆ ل سه‌ر ئه‌كاونتێ خوه یێ فێسبۆكى راگه‌هاند، ل رۆژا چارشه‌مبییا بوورى 22ى خزیرانا 2022ێ، ب سه‌رپه‌رشتییا سه‌رۆكێ جڤاتا وه‌زیران مه‌سرور بارزانى كۆمبوونا جڤاتا وه‌زیران هاته برێڤه‌برن و ئه‌و دێ چاڤدێرییا بجهئینانا بریارێن كۆمبوونێ كه‌ت.</span></h3> <h3 style="text-align: justify;"><span style="font-size: 18pt;">زێده‌تر دیاركر، سه‌نته‌رێ میترۆ هه‌ر ژ رۆژا دامه‌زراندنا خوه ل 11 ته‌باخا 2009ێ و هه‌تا نوكه چاڤدێرییا بجهئینانا قانوونا ژماره 35 یا رۆژنامه‌گه‌رییێ ل كوردستانێ ئه‌وا ل سالا 2007ێ ده‌ركه‌ڤتى دكه‌ت، و دووڤدا ژ رۆژا ده‌رچوونا قانوونا ژماره 11 یا سالا 2013ێ یا قانوونا مافێ ده‌ستكه‌ڤتنا زانیارییان ل هه‌رێما كوردستانێ، داخوازا رێنمایان بۆ قانوونێ كرییه.</span></h3> <h3 style="text-align: justify;"><span style="font-size: 18pt;">هه‌روه‌سا ئاشكراكر، ئه‌و دووپاتییێ ل هه‌لویستێن خوه یێن بوورى دكه‌ن، مافێ زانینێ مه‌رجێ گرنگێ حوكمدارییا باشه، په‌یوه‌ندى دناڤبه‌را مافێ زانین و دیمۆكراسیه‌تێ دا ناهێته ژێك جووداكرن، و دخوازن پشكدارییه‌كا گشتى دبریاراندا هه‌بیت و وه‌لاتى ژ بریارێن گرنگ نه‌هێنه بێ به‌هركرن و ئه‌ڤه‌ژى دێ ژ ئه‌نجامێ زانیارییێن درووست به‌رده‌ست بیت.</span></h3> <h3 style="text-align: justify;"><span style="font-size: 18pt;">ل دووماهییێ سه‌نته‌رێ میترۆ دیاركر، ئه‌و پشته‌ڤانییا بریارێن جڤاتا وه‌زیرێن هه‌رێما كوردستانێ ل دوور هاریكاریكرنا ده‌زگه‌هێن راگه‌هاندنێ و كاراكرنا قانوونا مافێ ده‌ستكه‌ڤتنا زانیارییان ل هه‌رێما كوردستانێ دكه‌ن، و ئه‌و دێ چاڤدێرییا بجهئینانا ئه‌ڤێ بریارێ كه‌ن و ئه‌گه‌ر نه‌هاته بجهئینان دێ ل دۆر ڤێ چه‌ندێ راپۆرته‌كێ بۆ رایا گشتى به‌لاڤكه‌ن.</span></h3> <h3 style="text-align: justify;"></h3> <h3 style="text-align: justify;"></h3>
