<h3 style="text-align: justify;"><span style="font-size: 18pt;">ئهڤرۆ پێنجشهمبى 23ى خزیرانا 2022ێ، پهرلهمانێ عیراقێ كۆمبوو و 64 پهرلهمانتارێن نوو ل شوونا پهرلهمانتارێن رهوتا سهدرى ئهوێن دهست ژ كاركێشاین، سووندا قانوونى خوار.</span></h3> <h3 style="text-align: justify;"><span style="font-size: 18pt;">ل دهستپێكا كۆمبوونێ سهرۆكێ پهرلهمانى محهمهد حهلبوسى ناڤێ ئهوان پهرلهمانتاران خواند یێن كو ل شوونا پهرلهمانتارێن دهست ژكاركێشایى یێن رهوتا سهدری هاتینه دانان و دووڤدا سووندا قانوونى هاته خوارن، كو یا پێدڤى بوو 73 پهرلهمانتارێن نوو بۆ جهگرتنا پهرلهمانتارێن سهدرى ئامادهببان، لێ 64 بهرههڤبوون و نههێن دى ئامادهنهبوون كو شهش ژ وان ههر یێن فراكسیۆنا سهدرى نه و ناچنه پهرلهمانى و سووند ناخون، لهوما پشتى ههیڤهكا دى هندهك پهرلهمانتارێن دى دێ ل جهێ ئهوان سووندا دهستوورى خۆن.</span></h3>
