بەرپرسه‌كێ پێشمەرگەیی: هێرشێن سەر هەرێما کوردستانێ ژ لایێ چەند گرووپێن حەشدا شەعبییڤه‌ دهێنه‌ كرن

سه‌ربه‌ست بابیرى، به‌رپرسێ میحوه‌رێ رۆژهه‌لاتێ دیجله‌ یێ هێزێن پێشمه‌رگه‌یى، بۆ ئاژانسا خانى ئاشكرا كر: هژماره‌كا به‌رچاڤ یا گرووپێن حه‌شدا شه‌عبى ل عیراقێ په‌یدابووینه‌، به‌لێ ب تنێ پشكه‌كا وان به‌رپرسیاره‌تیێ هه‌لدگرن، به‌روڤاژى هنده‌ك گرووپێن حه‌شدا شه‌عبى هه‌نه‌، وه‌ك میلیشیاتێن ژ ده‌رڤه‌یى قانوونێ كار دكه‌ن، خه‌لكی د ترسینن و تاوانا ئه‌نجام دده‌ن و ب موشه‌كان هێرشى هه‌رێما كوردستانێ دكه‌ن و بووینه‌ ژێده‌رێ ئاریشان بۆ وان ده‌ڤه‌ران، به‌هرا پتر بنگه‌هێت وان ل ده‌ڤه‌رێن گوب جه‌لیل یا مووسلن.

ناڤهاتی گۆت ژى: جهێ ئاراسته‌كرنا موشه‌كێن وان یێ دیاره‌، ئه‌و كه‌سێن هێرشێ دكه‌نه‌ سه‌ر هه‌رێما كوردستانێ ئه‌گه‌ر ده‌ست دگه‌ل حه‌شدا شه‌عبى نه‌بن نه‌شێن وه‌بكه‌ن و وان ژى ل مووسل په‌یوه‌ندى ل گه‌ل له‌شكه‌رێ عیراقێ هه‌یه‌، به‌لێ ب مخابنیڤه‌ له‌شكه‌رێ عیراقێ ده‌ستهه‌لات ل سه‌ر گرووپێن حه‌شدا شه‌عبیدا نینه‌، ب تایبه‌تى ئه‌وێن ده‌ركه‌ڤتین ژ قانوونێ و گوهدارییا كه‌سێ ناكه‌ن و ب حه‌زا خوه‌ لڤینان دكه‌ن.