پەیڤدارێ وەزارەتا کارەبێ: ٢٥٠ میگاواتێن کارەبێ زێدەبووینە

ئاژانسا خانی ” تایبەت:

پەیڤدارێ وەزارەتا کارەبێ دیار کر، پشتی سەخبێرکرنا ویستگەھێن بەرھەم ئینانا وەزارەتا کارەبێ شییاینە ٢٥٠ میگاواتێن کارەبێ زێدە بکەن و  دەمژمێرێن کارەبا نیشتیمانی ژی دێ زێدە بن.

ئومێد ئەحمەد” زێده‌تر بۆ ئاژانسا خانی دیار کر” پشتی پرۆسا سەخبێرکرنا ھژمارەک ویستگەھێن کارەبێ ب دووماھی ھاتین رێژا بەرھەم ئینانا کارەبێ زێدەبوویە و وەزارەت شییایە ٢٥٠ میگاواتێن کارەبێ زێدە بکەت ژ بەرھەمێ ھاڤینێ، ئەڤە ژی دێ بیتە ئەگەرێ زێدەبوونا زێدەتری دەمژمێرەکا کارەبا نیشتیمانی بۆ وەلاتییان.

ناڤهاتی گۆت ژی” ژلایێ سەرۆکێ حوکمەتا ھەرێما کوردستانێ كوژمەکێ پارەیی بۆ سەخبێرکرنا ویستگەھێن کارەبێ ھاتییە مەزاختن و وەزارەتا کارەبێ شییایە ب ڤی كوژمێ پارەیی کارێ سەخبێرکرنێ ئەنجام بدەت، بەلێ ژبەر بلندبوونا پلێن گەرمێ خواست ل سەر کارەبێ زێدەبوویە.