وهلاتییهكێ ههرێما كوردستانێ ئاشكرا كر، كوڕێ وى یێ نههـ سالى ژ ژئالیێ پارتیا كاركهرێن كوردستانێ پەكەكێ ڤه هاتیه رهڤاندن و گهف ژى لێ هاتینهكرن.
عەدنان جەبار، وهلاتییهكێ ههرێما كوردستانێ یه د تۆمارهكا دهنگی دا دگهل رۆژنامهڤانهكى ئاشكرا كریه، رۆژا بیستى ئادارا دوهزار و شازدێ دهمێ بۆ نهورۆزێ چووینه گوندهكێ سنۆرێ ناحیا شوان ل پارێزگهها كەركووك، زارۆكێ وى یێ ب ناڤێ عادل و ژ دایكبوویێ دوهزار و شهشێ، ژ لایێ چەكدارێن پارتیا كاركهرێن كوردستانێ پەكەكێ ڤه هاتیه رهڤاندن، دهمێ رهڤاندى ژى ژیێ وى ب تنێ نههـ سال و چهند ههیڤ بوون.
ئاشكرا ژى كر بو دیتنا كوڕێ خو ل گهلهك جها گهریایه و ل قهلادزێ ئەفسەرهكێ ئاساییشێ گوتیێ كو زانیاری هەنە پەكەكێ حەفتێ زارۆك د وێ رۆژێ دا رهڤاندینه كو كوڕێ وى ژى د گهل دا بوو.
عەدنان جەبار دبێژیت: پشتى دهمهكى بهرپرسهكێ پەكەكێ گۆتیێ: زارۆكێ وى ل نك وایه و خهما وى نهخۆن.
عەدنان جەبار ئاشكرا ژى كر، پشتى ب جدى بزاڤ كرى كوڕێ خو ڤهگهرینیت، پهكهكێ گهف لێكرینه و گۆتیێ ههكه دهستان ژی نهبهردهى،دێ ئالایهكێ داعشێ كهینه د دهستێ كوڕێ تهدا و دێ بێژین ئهڤ زارۆكه داعشه.
ل گۆرهى گۆتنا ناڤهاتى، ئهوا پهكهكه دكهت كوردایەتی نینە، بەلكو مافیایێن رهڤاندنا زارۆكێن خهلكینه، وهسا دیاره هزارێن وەكى وى ب ڤى دهردى دنالن، ژبهر هندێ داخواز ژ لایهنێن پهیوهندیدار كر، سنۆرهكێ بۆ رهڤاندنا زارۆكا ژلایێ پهكهكهكێ دانن.
