<h2 style="text-align: justify;"><span style="font-size: 18pt;">فهریقێ ئێكێ یێ خانهنشین ل وهزارهتا پێشمهرگهى، باس ل هندێ دكهت ههرێما كوردستان و عیراق تا نوكه سیستهمێ چاڤدێرییا ئاسمانى وهكى رادارا نینه، دا جهێ ئاراستهكرنا مووشهك و كاتیۆشا و درۆنان دیاربكهت، كو ئهوان هێرشێن دكهنه لسهر ههرێما كوردستانێ مهترسیێن مهزنن و پێدڤیه بهرچاڤ وهرگرن.</span></h2> <h2 style="text-align: justify;"><span style="font-size: 18pt;">جهبار یاوهر، فهریقێ ئێكێ یێ خانهنشین ل وهزارهتا پێشمهرگهى ئاماژه ب وێ چهندێ ژى كر، ههرێما كوردستانێ تا نوكه ژ ئالییێ هێزێن عیراقێ ڤه رێك پێ ناهێتهدان چهك و تهقهمهنیا ژ دهرڤه بكریت، تا بگههیته وێ رادێ سیستهمێ چاڤدیرییا ئاسمانى و درون ههبن، ههتا هێزێن هاڤپهیمانى ژى ڤێت درۆنا بدهنه هێزێن پێشمهرگهى، ژبۆ هندێ چاڤدێرییا دهڤهرێن خوه بكهن، بهلێ حكومهتا عیراقێ تا ڤى دهمى لسهر هندێ رازى نهبوویه.</span></h2> <h2 style="text-align: justify;"><span style="font-size: 18pt;">ناڤبری دیاركر، د ههمان دهمدا ب پێدڤى دزانین كو ههرێما كوردستانی و بهغدا رێككهفتنێن ئێمناهى و لهشكهرى و ههوالگیرى دژوارتر بكهن، ژبۆ پاراستنا ئهو دهڤهرێن بۆشایێن ئێمناهى ههین، ههروهسا شانهیهكا ههوالگیریا هاڤبهش بۆ بهێته دروستكرن، ژبۆ هندێ بشێین لدووڤ زانیاریان بگهرن، گۆتژى: ههرچهنده چار ناڤهندێن ههماههنگیێ ل خانهقین، كهركوك، مهخمور و موسل ههنه، دوو ناڤهند ژى ل ههولێر و بهغدا، بهلێ ئهو ههماههنگى نهگههشتینه ئاستهكێ بلند كو هێزێن مه بشێن بهردهوام پێكڤه ئهوێ دهڤهرێ ژ وان هێرشان بپارێزن.</span></h2>
