رێڤه‌به‌رێ نه‌خۆشخانه‌یا ته‌نگاڤییان ل دهۆكێ د. عه‌بدوللا ئیحسان بۆ ئاژانسا خانی دیاركر، د سێ رۆژێن جه‌ژنێدا 400 كه‌سان سه‌ره‌دانا نه‌خوشخانه‌یا ته‌نگاڤییان كرییه، 65 ژ وان ب ئه‌گه‌رێ روودانێن هاتنوچوون و ب شه‌ڕ چوون و كه‌ڤتنێ سه‌ره‌دان كرییه و 150 كه‌س هاتینه نڤاندن.
زێده‌تر ئاشكراكر، د سێ رۆژێن جه‌ژنێدا نێزیكی 50 تیشكێن میفراسێ و 60 سونه‌ر و 250 تیشكێن ره‌ش و سپی و نێزیكی 500 پشكنینێن تاقیگه‌هێ هاتینه كرن و خوش به‌ختانه چ كه‌سان ژیانا خوه ژ ده‌ست نه‌دایه.
ل دووماهییێ د. عه‌بدوللا ئیحسانی داخواز ژ خه‌لكی كر كو پێگیرییێ ب رێنمایێن هاتنوچوونێ بكه‌ن ژبه‌ركو گه‌له‌ك كه‌س دبنه قوربانییێن روودانێن ترافیكی، هه‌روه‌سا ئاموژگاری ل خه‌لكی كر كو خوارنا پاقژ بخوون داكو تووشی نه‌خۆشییا كۆلێرایێ نه‌بن، و بریاره سوبه‌هی ئامارێن دووماهییێ یێن هه‌ر چار رۆژێن جه‌ژنێ بهێنه راگه‌هاندن.
