سه‌رۆكێ هه‌رێما كوردستانێ نێچیرڤان بارزانى په‌یامه‌كا سه‌ره‌خۆشییێ ب هه‌لكه‌فتا وه‌غه‌ركرنا سكرتێرێ به‌رێ یێ حزبا شیوعى یا كوردستان و عیراقێ كه‌ریم ئه‌حمه‌دى به‌لاڤكر.
ده‌قێ په‌یاما نێچیرڤان بارزانى:
ب مخابنیڤه نووچه‌یێ سیاسه‌تمه‌دار و تێكوشه‌رێ دێرین و ناڤدار ل سه‌ر ئاستێن كوردستان و عیراقێ و سكرتێرێ به‌رێ یێ حزبا شیوعى یا كوردستان و عیراقێ ماموستا كه‌ریم ئه‌حمه‌دى گه‌هشته مه، خودێ ژێ رازى كه‌سایه‌تییه‌كێ دیارێ مه‌یدانا خه‌باتا نیشتیمانى بوو و هه‌موو ژییێ خوه بۆ تێكوشه‌رییا سیاسى و گه‌ل و بیروباوه‌رییێن وێ ته‌رخانكربوو، ود وێ رێكێدا ئازار و زیندان و ده‌رده‌سه‌رى دیتینه.
سه‌ره‌خۆشییێن خوه ئاراسته‌یى بنه‌مال و كه‌سوكار و هه‌ڤال و دوستێن وى دكه‌م و هه‌ڤپشكێ خه‌ما وانم، ژ خودایێ مه‌زن دخوازم گیانێ وى ب مه‌زنى و دلوڤانییا خوه شاد بكه‌ت و بهێن فره‌هى و ئارامییێ بده‌ته هه‌موویان.
نێچیرڤان بارزانى
سه‌رۆكێ هه‌رێما كوردستانێ
14ى ته‌موزا 2022ێ
