دادگه‌ها ئه‌ورۆپا یا مافێن مرۆڤى د رۆژێن بوورى دا جاره‌كا دى داخواز ژ ده‌ستهه‌لاتا توركیا كر كو سیاسه‌تمه‌دارێ كورد ده‌میرتاشى ئازاد بكه‌ن، دادگه‌هكرنا وى ژى ب تاوانا تیرۆرێ بتنێ په‌رده‌یه‌كه بۆ سنورداركرنا دانوستاندنێن دیموكراتیانه.
دادگه‌ها ئه‌ورۆپا داخواز كرییه بۆ وان هه‌ر چار سالێن زیندانكرنا ده‌میرتاشى حكومه‌تا توركیا 60 هزار و 400 یورۆیان وه‌ك قه‌ره‌بوو بده‌ته هه‌ڤسه‌رۆكێ به‌رێ یێ پارتا دیموكراتیك یا گه‌لان هه‌ده‌پێ.
دادگه‌ها ئه‌ورۆپا بۆ مافێن مرۆڤى دیاركر، دادگه‌هكرنا ده‌میرتاشى بۆ دەمێ چار سالان و بێ دادگه‌هكرن، مه‌ترسییه بۆ خه‌لكى و دێ بیته ئه‌گه‌رێ بنپێكرنا ئازادیا دانوستاندنا دیموكراتى.
ده‌میرتاش ل رۆژا 4 چریا ئێكێ یا سالا 2016ێ ل گه‌ل فیگه‌ن یوكسه‌كداغ، هه‌ڤسه‌رۆكا به‌رێ یا هه‌ده‌پێ و 13 په‌رله‌مانتارێن دیێن هه‌مان پارتى، ب تاوانا هاریكاریكرنا پارتیا كاركه‌رێن كوردستانێ په‌كه‌كێ هاتبوونه ده‌سته سه‌ر كرن.
