ئه‌لمانیا داخوازا ڤه‌كۆلینه‌كا بله‌ز بۆ هێرشا ل سه‌ر گوندێ په‌ره‌خێ دكه‌ت

وه‌زاره‌تا ده‌رڤه‌ یا ئه‌لمانیا توپبارانا هاڤینگه‌ها گوندێ په‌ره‌خێ ل سنوورێ ئیداره‌یا سه‌ربه‌خۆ یا زاخۆ ئیدانه‌ كر و  داخوازا ڤه‌كۆلینه‌كا بله‌ز بۆ ئه‌وێ روودانێ كر.

ئه‌ڤرۆ 21 ته‌مۆزا 2022ێ وه‌زاره‌تا ده‌رڤه‌ یا ئه‌لمانیا دبه‌یاننامه‌كێ دا داخوازا ڤه‌كۆلینه‌كا بله‌ز بۆ هێرشا دووهى یا سنوورێ ئیداره‌یا سه‌ربه‌خۆ یا زاخۆ كر و راگه‌هاند، هێرشا لسه‌ر خه‌لكێ سڤیل ب چ جووره‌كى ناهێته‌ قه‌بوولكرن، و ئه‌نجامده‌رێن ئه‌وێ هێرشێ دڤێت بهێنه‌ ئاشكراكرن.

وه‌زاره‌تا ده‌رڤه‌ یا ئه‌لمانیا راگه‌هاند ژى، حكومه‌تا ئه‌لمانیا رێزێ ل سه‌روه‌رییا ده‌وله‌تا عیراقێ و قانوونێن نێڤده‌وله‌تى دگریت.