سەرۆکێ دەستەیا ژینگەهێ: مه‌ پتر ژ پێنج هزار مۆله‌تان داینه‌ پرۆژان

سه‌رۆكێ ده‌سته‌یا ژینگه‌ها هه‌رێما كوردستانێ راگه‌هاند، د ده‌مێ سێ سالێن كابینا نه‌هێ یا حكومه‌تا هه‌رێما كوردستانێ دا، پترى پێنچ هزار پرۆژان مۆله‌تا كارى وه‌رگرتییه‌ و چه‌ندین رێنما ده‌ركرینه‌ بۆ دابینكرنا ده‌لیڤێن كارى بۆ ده‌رچوویێن ژینگه‌هێ.

عه‌بدولرحمان سدیق، سه‌رۆكێ ده‌سته‌یا ژینگه‌هێ ل هه‌رێما كوردستانێ ئاشكرا كر، هووربین ل دۆسه‌یا هه‌موو فه‌رمانبه‌رێن حكومه‌تێ كرییه‌ و په‌یكه‌رێ كارگێرییا ده‌سته‌یێ رێكخستییه‌ بۆ كێمكرنا رۆتینێ.

ئێك ژ كارێن دی یێن ده‌سته‌یێ پێكدهێت ژ ده‌رخستنا چه‌ند رێنمایێن تایبه‌ت بۆ ( نێچیركرن، پاراستن و سه‌خبێریكرنا هه‌وایى، سه‌ربرخانان، ئاگه‌هداركرنا پرۆژێن سه‌رپێچییێن كارى، قه‌ره‌بووكرنا هه‌مى وان زیانێن ب ژینگه‌هێ كه‌فتین، چاڤدێرییا ژینگه‌هێ بۆ پرۆژان) و راستڤه‌كرنا مادێ 42 ژ یاسایا پاراستن و چاككرنا ژینگه‌هێ یا ژماره‌ 8 یا سالا 2008.

ئه‌و پرۆژێن ده‌سته‌یێ موله‌تا كارى پێدایى ژماران وان 5 هزار و 226 پرۆژه‌نه‌.