كازمی بۆ خۆپیشانده‌ران: ده‌ڤه‌را كه‌سك چۆل بكه‌ن

مسته‌فا كازمی، سه‌رۆك وه‌زیر و فه‌رماندێ گشتی یێ هێزێن‌ چه‌كدار یێن عیراقێ، په‌یامه‌ك ئاراسته‌یی خۆپیشانده‌رێن سه‌ر ب ره‌وتێ سه‌در ڤه‌كر.

كازمی گۆتییه‌‌: داخوازێ ژ‌ خۆپیشانده‌ران دكه‌ین، پابه‌ندی‌ ئاشتی و برێڤه‌چوونا خۆپیشاندانان بن و پارێزگاریێ ل  مولك و مالێ گشتیی و تایبه‌ت بكه‌ن.

هه‌روه‌سا داخواز كرییه‌، هه‌ر زوو ده‌ڤه‌را كه‌سك بجهبهێلن و هێزێن ئه‌منی ژی راسپاردینه‌، ره‌وشا گشتی لدووڤ فه‌رمان و رێسا و رێنماییان بپارێزن.

مسته‌فا كازمی، راگه‌هاندییه‌ ژی” هێزێن ئه‌منی پابه‌ندن ب‌ پاراستنا سازی یێن ده‌وڵه‌تێ و هنارتی یێن‌ نێڤده‌وله‌تی و دێ رێگریێ ل هه‌ر كریاره‌كێ ‌كه‌ن، كو‌ زیانێ بگه‌هینیته‌ ئاسایشێ و سیسته‌مێ گشتی یێ وه‌لاتی.