پتر ژ حه‌فت ملیار دیناران بۆ پرۆژه‌یان ل ناحییا فه‌یدییێ هاتنه‌ ته‌رخانكرن

پشتی بزاڤێن پارێزگارێ دهۆکێ دگەل کارگێرییا پارێزگەها نەینەوا پتر ژ حەفت ملیار دیناران بۆ ناحییا فەیدییێ هاتنە تەرخانکرن.

پشتی بزاڤێن د.عەلی تەتەر پارێزگارێ دهۆکێ دگەل کارگێرییا پارێزگەها نەینەوا و سیروان رۆژبەیانی جێگرێ پارێزگاری، کۆژمێ حەفت ملیار و 182 ملیۆن دیناران بۆ ناحییا فەیدییێ هاتنە تەرخانکرن. کو پێک دهێت ژ:

– ئاڤاکرنا بنگەهێ ساخلەمییێ ل کۆمەلگەها دومیز.

– قێرکرنا جاده‌یێن تاخێن ناڤ سەنتەرێ ناوچەدارییێ.

 – قوتابخانەکا دووازدە رێزی.

هەژی گوتنێیە ناوچەدارییا فەیدییێ ب هەماهەنگی دناڤبەرا کارگێرییا پارێزگەها دهۆکێ و پارێزگەها نەینەوا دا دهێتە ب رێڤەبرن ژبەرکو دکەڤیتە دچوارچووڤێ مادێ 140 یێ دەستورێ عیراقا فیدرالدا.