ناسر کەنعانی، په‌یڤداری وه‌زاره‌تا ده‌رڤه یا ئیرانێ راگه‌هاند، حكومه‌تا ئیرانێ ب هه‌ستیاریڤه دێ چاڤدێریا ره‌وشا عیراق و وان پێشهاتان كه‌ت كو ل چه‌ند رۆژێن بووریدا روویداین و گۆت: ته‌هران داخواز ژ هه‌مى ئالى و پارتێن سیاسى یێن عیراقێ دكه‌ت لدوڤ ده‌ستوورى و پشتبه‌ستن ب رێكارێن یاسایى، ئاریشێن ناڤخۆیێن وى وه‌لاتى چاره‌سه‌ر بكه‌ن.
په‌یڤداری وه‌زاره‌تا ده‌رڤه یا ئیرانێ ئاما ژه ب هندێ ژى كر، ئیران دێ گرنگیێ ب ره‌وشا ناڤخۆ یا عیراقێ ده‌ت و ب بوچوونا وى ئه‌و ره‌وشا هه‌ى ژ دوبه‌ره‌كیا دناڤبه‌را ره‌وتێن سیاسى یێن وى وه‌لاتى ڤه‌گرتیه و پێدڤیه هه‌مى ئالى بزاڤان بكه‌ن بله‌ز ڤێ ره‌وشێ ده‌ربازكه‌ن.
